इटहरी : नजिकी रहेको स्थानीय तहको निर्वाचनलाई लक्षित गरी नेपाली काँग्रेसको भातृ संगठन नेपाल तरुण दल सुनसरीले मातृ पार्टीका उमेदवारहरुलाई जिताउन प्रचारप्रसार समिति गठन गरेको छ ।
नेपाल तरुण दल सुनसरीका सभापति सिजन गुरुङको अध्यक्षतामा बसेको बैठकले जिल्लामा नेपाली काँग्रेसका उमेदवारहरुको पक्षमा प्रचारप्रसार गर्न १२ वटै स्थानीय तहका तरुण दलका सभापतिहरुको संयोजकत्वमा प्रचारप्रसार समिति गठन गरेको हो ।
मातृ पार्टीका तर्फबाट उमेदवार रहेका जिल्लाका १२वटै स्थानीय तहमा एक बुथ २० युथ परिचालन समेत गरिने तरुण सुनसरी सभापति गुरुङले जानकारी दिए ।
मतदान कार्यलाई सहज वनाउन स्वयसेवक रुपमा प्रत्येक बुथमा युथहरु राख्ने निणर्य गरिएको जनाइएको छ । बैठकले स्थानीय तहको निर्वाचनमा मातृ पार्टी नेपाली काग्रेसका उमेदवारहरुलाई जिताउन वडा देखि सवै पालिकामा प्रचारप्रसार समिति गठन गरिएको वताइएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved