खोटाङ : नजिकीरहेको स्थानीय तह निर्वाचन केन्द्रीत भएर नेकपा एमाले बराहापोखरी गाउँपालिकाले पार्टी प्रवेश तथा सम्मान कार्यक्रमको आयोजना गरेको छ ।
नेकपा एमालेको ७४औं स्थापना दिवसको अवसरमा एमाले बराहापोखरी गाउँपालिकाले लामो समय देखि पार्टीमा योगदान गर्दै आएका तीन जना अग्रजहरुलाई सम्मान सहित नवप्रवेशीहरुलाई पार्टी प्रवेश गराएको हो ।
नेकपा एमालेका पोलिट ब्युरो सदस्य विशाल भट्टराईको प्रमुख आतिथ्यमा भएको कार्यक्रममा नेपाली काँग्रेस खोटाङका कोषाध्यक्ष जीवनकुमार राई सहित दुई सय एक जना एमालेमा प्रवेश गरे । कार्यक्रममा नवप्रवेशीहरुलाई स्वागत गर्दै पोलिट ब्युरो सदस्य भट्टराईले पाँच दलिय गठवन्धनलाई परास्त गर्न एमाले गाउँगाउँ प्रवेश गरिसकेको वताए । लामो समय देखि पार्टीको संगठन विस्तारसंगै पार्टीका लागि महत्वपुर्ण योगदान पुर्याउदै आएका अग्रज गणेश कोइराला, देवी रेग्मी र डुण्डबहादुर मगरलाई प्रमुख अतिथी भट्टराईले सम्मान गरेका थिए ।
कार्यक्रममा एमाले नेत्री तथा प्रदेश नम्वर १ की पुर्व सामाजिक विकास मन्त्री उषाकला राई, खोटाङ जिल्ला एमाले अध्यक्ष राम दङ्गाल, नेकपा एमाले बराहपोखरीका अध्यक्ष दीर्घ मगर, स्थानीयन एमाले नेत्री तथा बराहपोखरी गाउँपालिका उपाध्यक्ष गोमा मगर र युवा संघका केन्द्रिय सदस्य निश्चल खड्का लगायतको समेत उपस्थिति रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved