बराहक्षेत्र : एल आइ सि नेपाल धरान शाखाले बराहक्षेत्र न. पा. वडा नं. २ का बिमित स्वर्गीय श्री उज्ज्वल लुइँटेलकी आमा सरला लुइँटेललाई मृत्यु दाबी रकम हस्तान्तरण गरेको छ ।
लाइफ ईन्स्योरेन्स कर्पोरेशन लिमिटेडमा सन् २०१७ मा रू. २ लाखको बिमा गरेका स्वर्गीय लुइँटेलको २०७८ माघ २६ गते घाँस काट्ने क्रममा रुखबाट लडेर मृत्यु भएको थियो ।
स्वर्गीय लुइँटेलले गरेको बिमाङ्क रकम र बोनस रु. २ लाख ७३ हजार ४ सय र दुर्घटना लाभ रु. २ लाख गरी जम्मा रकम रु. ४ लाख ७३ हजार ४ सय को चेक आज जनप्रतिनिधि टेक बहादुर राई र धरान शाखाका प्रमुख श्री बिकास थापा ज्यु बाट आमा सरला लुइँटेललाई हस्तान्तरण गरिएको हो ।
बिमित जीबितै रहँदा पाउने रकमले आर्थिक रुपले झन समृद्ध बनाउने तथा दुर्भाग्यवश मृत्यु भएमा आश्रितलाई आर्थिक सुरक्षा प्रदान हुने हुँदा जो कोहीले पनि जीवन बीमा गराउनु राम्रो हुने एल आइ सि धरान शाखाका प्रमुख श्री बिकास थापाले बताउनुभयो ।
उक्त कार्यक्रममा चतरा अस्पतालका मेनेजिङ्ग डाइरेक्टर डा. अनिल गिरी, चतरा सामुदायिक बहुउद्देश्यीय सहकारीका ब्यवस्थापक श्री बाबुराम खत्री लगायत स्थानिय व्यक्तित्वहरुको उपस्थिति रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved