इटहरी : व्यक्तिगत घटना दर्ताको महत्वका विषयमा आयोजित कलेज स्तरीय वक्तृत्वकला प्रतियोगितामा ग्रिन पिस एकेडेमीका सुजित सापकोटा प्रमथ भएका छन ।
राष्ट्रिय परिचय पत्र तथा पन्जिकरण विभाग सेवा इकाई केन्द्र इटहरीले आयोजना गरेको इटहरी क्षेत्रका कलेज स्तरीय वक्तृत्वकला प्रतियोगितामा १३ जना प्रतिस्र्पधीहरुलाई पछि पार्दै सापकोटा प्रथम भएका हुन ।
वक्तृत्वकला प्रतियोगिता अन्तरगत कस्तुरी कलेजकी सुम्निमा लिम्बु दोस्रो ग्रिन पिस एकेडेमीकी वरुणा पराजुली तृतिय र सोही कलेजकी अनुशा पौडेल सान्त्वना वन्न सफल भइन । इटहरी उपमहानगरपालिकाको शिक्षा तथा खेलकुद महाशाखाका प्रमुख सुर्यप्रसाद सुवेदी अध्यक्षतामा भएको कार्यक्रममा प्रमथ दोस्रो तृतिय र शान्त्वना हुने छात्रछात्राहरुलाई क्रमशः ५हजार ,३हजार ,२हजार र १ हजार नगद सहित प्रमाण पत्रले पुरस्कृत गरियो ।
कार्यक्रममा इटहरी उपमहानगरपालिका स्वास्थ्य तथा सामाजिक विकास महाशाखा प्रमुख भोजकला दवाडी शिक्षा शाखा अधिकृत फाल्गुणी काफ्ले प्रशासन शाखा प्रमुख ध्रुवकुमार भण्डारी लगायतका अतिथीहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved