इटहरी : विरामीहरुलाई सहज रुपमा समयमै अस्पताल पुर्याउन सकियोस भनेर माता पाथिभरा लिला सेवा फाउण्डेशनले नेपाल रेडक्रस सोसाइटी तरहरालाई एम्वुलेन्स हस्तान्तरण गरेको छ ।
माता पाथिभरा लिला सेवा फाउण्डेशनका तर्फ उद्योगी व्यवसायी भिमबहादुर पौडेल र विनोद पौडेलले नेपाल रेडक्रस सोसाइटी तरहरालाई कर बाहेकको १८ लाख मुल्य बराबरको एम्वुलेन्स हस्तान्तरण गरिएको हो ।
एम्वुलेन्स हस्तान्तरण कार्यक्रममा नेपाल रेडक्रस सोसाइटी तरहराका सभापति चन्द्रकुमार गिरीलाई प्रमुख अतिथी नेपाली काँग्रेसका केन्द्रीय सदस्य राजिव ढुंगाना , माता पाथिभरा लिला सेवा फाउण्डेशनका भिमबहादुर पौडेलले र विनोद पौडेलले संयुक्त रुपमा हस्तान्तरण गरे हुन ।
एम्वुलेन्स हस्तान्तरण कार्यक्रममा बोल्दै माता पाथिभरा लिला सेवा फाउण्डेशनका भिमबहादुर पौडेलले नेपाल रेडक्रस सोसाइटी तरहरालाई दुई वर्ष अघि नै एम्वुलेन्स उपलव्ध गराउने भनेको भएपनि कोभिड र अन्य कारणले समयमै एम्वुलेन्स ल्याउन नसकिएकाले ढिलो भएको जानकारी गराए । उनले आफु व्यापार व्यवसाय गर्ने मान्छे भएको र व्यापार व्यवसायबाट भएको आम्दानीको केही भाग सामाजिक कार्यमा खर्च गर्ने गरेको समेत वताए ।
एम्वुलेन्स हस्तान्तरण गर्ने पौडेललाई पञ्चे बाजा सहित फूलमाला गरेर नगर परिक्रमा सहित अभिनन्दन गरियो । एम्वुलेन्स हस्तान्तरण कार्यक्रममा नेपाल रेडक्रस सोसाइटी सुनसरी अध्यक्ष उमेश थापा , इटहरी उपमहानगरपालिका वडा नम्बर २०का वडाध्यक्ष मणी राम श्रेष्ठ, नेपाल रेडक्रस सोसाइटी इटहरीका सभापति विमल पौडेल , नेपाल रेडक्रस सोसाइटी बराहक्षेत्रका सभापति रविन घिमिरे लगायतका अतिथीहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
