इटहरी : इटहरीमा रहेर कम्प्युटर तथा विभिन्न भाषाका कक्षा सञ्चालन गर्दै आएको गुडलक एजुकेशन एण्ड ट्रेनिङल सेन्टर प्रा. लि. इटहरीले विद्यार्थीहरुको विदाइ तथा सर्टिफिकेट वितरण कार्यक्रम सम्पन्न गरेको छ ।
इटहरी स्थित कार्यलयमा एक समारोहका बीच गुडलक एजुकेशनले आफ्ना विद्यार्थीहरुलाई प्रमाणपत्र वितरण तथा विदाइ कार्यक्रम गरेको हो । गुडलक एजुकेशन इटहरीमा राइट स्टेप एजुकेशन एकेडेमी कपिलबस्तुसँगको सहकार्यमा सञ्चालित प्रोफेसनल डिप्लोमा इन कम्प्युटर एप्लीकेशन कार्यक्रममा उत्तिण भएका विद्यार्थीहरुलाई प्रमाणपत्र वितरण गर्नुका साथै उनीहरुको विदाई गरिएको हो ।
कार्यक्रममा बोल्दै गुडलक एजकेशन इटहरीका प्रवन्ध निर्देशक रेवती निरौलाले विद्यार्थीहरुलाई आइएसओ सर्टिफाइट तथा सीटीइभीटीद्वारा मान्यता प्राप्त प्रमाणपत्र वितरण गरिएको जानकारी दिनुभयो । उहाँले कोरोना महामारीका कारण एकवर्षे पीडीआइसीए कोर्ष पुरा गर्न केही ढिलाइ भएको जानकारी दिंदै विद्यार्थीहरुको उज्ज्वल भविश्यको कामना गर्नुभयो ।
यस्तै गुडलक एजुकेशनका निर्देशक वसन्त रेग्मीले विद्यार्थीहरुले गुडलकमा सिकेको शिप र प्रमाणपत्रलाई सदुपयोग गर्दै आफ्नो भविश्य सफल बनाउनुपर्नेमा जोड दिनुभयो । उहाँले यसअघि अध्ययन गरेका कोर्षमा कुनै समस्या भएमा गुडलकमा निःशुल्क रुपमा अध्ययन गर्न सकिने पनि जानकारी दिनुभयो । उहाँले गुडलकले यसवर्ष पनि एसइइको अवसरमा विशेष छुटका साथ कम्प्युटरका कक्षाहरु सञ्चालन गर्ने तयारी भइरहेको समेत जानकारी दिनुभयो ।
कार्यक्रममा पत्रकार दीपक कार्की, गुडलक एजुकेशनका कम्प्युटर प्रशीक्षक विनोद विष्ट, गुडलकमा अध्ययनरत विद्यार्थी, अभिभावक लगायतको सहभागिता रहेको थियो । गुडलक एजुकेशन एण्ड ट्रेनिङ सेन्टर प्रा. लि. इटहरीले इटहरीमा कम्प्युटरका विभिन्न कोर्षका साथै कोरियन भाषा, जापानीज भाषा र अंग्रेजी भाषाका कक्षा सञ्चालन गर्दै आएको छ ।
साथै विभिन्न स्थानीय तहहरुसँग सहकार्य गरि शिपमुलक तालिम र क्षमता विकासा तालिम सञ्चालन गर्दै आएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved