धरान : धरानको एक मात्र एडभान्स डिप्लोमा अध्यापन गराउने कलेज प्राइम भिजन इन्टरनेशनल हस्पिटालिटी म्यानेजमेन्ट कलेजले सोमबार बिद्यार्थीका लागि आयोजित HACCP को प्रयोगात्मक तालिम सम्पन्न गरेको छ ।
हस्पिटालिटीको क्षेत्रमा खाद्य सुरक्षालाई अपनाएर कसरी काम गर्न सकिन्छ भन्ने कुराको जानकारी दिनका लागि उक्त तालिम संचालन गरिएको कलेजका सी. इ. ओ अभिषेक श्रेष्ठले बताए ।
प्राइम भिजन कलेजको प्राङ्गणमा सोमबार सम्पन्न तालिममा भौतिक, रसायनिक र जैविक जोखिमहरुलाई निउनिकरण गर्ने बिधि र HACCP का सात सिद्धान्तका बारेमा बिस्तृत बिस्लेषण गरिएको थियो ।
प्राइम भिजन इन्टरनेसनल हस्पिटालिटी म्यानेजमेन्ट कलेज द्वारा आयोजित उक्त तालिममा ग्लोबस सर्टिफिकेशन नेपालका प्रशिक्षक गिरिश पोख्रेलले सहजीकरण गरेका थिए ।
प्रशिक्षक पोख्रेलले उक्त तालिमको बिषय बस्तु मानिसको दैनिक जीवनका साथै तारे होटल तथा खाद्य उद्योगमा उपयोगी हुने जानकारी दिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved