इटहरी : दक्ष खेलाडी उत्पादन गर्न, युवाहरुलाई स्नोकर खेल प्रति आकर्षित गर्ने उद्धेश्यले सुनसरीको इटहरीमा सञ्चालित तेस्रो पूर्वाञ्चल ओपन स्नोकर च्याम्पियनको उपाधी दोर्जे पाख्रीनले उचालेका छन् ।
ब्रदर्श स्नोकर हाउसको आयोजना गरेको प्रतियोगिताको फाइनल खेलमा धरानका पाख्रीनले विराटनगरका बिकाश कर्णलाई पराजित गर्दै उपाधी हात पारेका हुन् ।
प्रतियोगिता सम्पन्न भएसंगै पूर्वाञ्चल ओपन स्नोकरको तेस्रो सँस्करण समापन कार्यक्रम ब्रदर्श स्नोकर हाउसका सञ्चालक कृष्ण गुप्ताको अध्यक्षता तथा ओसिस फिटनेसका सन्चालक सन्तोश न्यौपानेको प्रमुख आतिथ्यमा सम्पन्न गरियो ।
यही २१ गतेबाट शुरु भएको प्रतियोगितामा प्रथम हुने धरानका पाख्रीनलाई ३० हजार नगद पुरस्कार शिल्ड प्रमाण पत्र, दोस्रो हुने विराटनगरका कर्णलाई १० हजार नगद सहित शिल्ड प्रमाण पत्र प्रदान गरियो । त्यसै गरी प्रतियोगितामा तेस्रो र शान्त्वना हुने खेलाडीलाई ५ हजार नगद सहित प्रमाण पत्र कार्यक्रमका प्रमुख अतिथी, अध्यक्ष लगायत अतिथीहरुले प्रदान गरेका थिए ।
समापन कार्यक्रममा राष्ट्रिय स्नोकर जज टिकालाल श्रेष्ठ, ब्रदर्श स्नोकर हाउसका रोमन राई, जीवन न्यौपाने, युवा सन्जालका पुर्व अध्यक्ष लोकेन्द्र कोइराला लगायतका अतिथीहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved