इटहरी : अपाङ्गता भएकाहरुलाई सिप सिकाएर आत्मनिर्भर वनाउने उद्धेश्यले सुनसरीको इटहरीमा सञ्चालन गरिएको कम्प्युटर तालिम समापन भएको छ ।
द लेप्रोसी नेपालको आयोजना गौरीभक्त होटल मेनेजमेन्ट प्रालिको प्राविधिक सहयोग र स्पाईनल ईन्जुरी संघ प्रदेश नम्बर १को समन्वयमा अपाङ्गता भएकाहरुका लागि सञ्चालित आधाभुत तथा डिजाइन सम्वन्धी तालिमको एक कार्यक्रमका विच समापन गरिएको हो ।
स्पाईनल ईन्जुरी संघ प्रदेश नम्वर १का अध्यक्ष विक्रम घिमीरेको अध्यक्षता तथा द लेप्रोसी नेपाल विराटनगरका विपिन दासको प्रमुख आतिथ्यमा भएको समापन कार्यक्रममा तालिममा सहभागीहरुलाई प्रमाण पत्र वितरण गरियो ।
४५ दिने तालिममा प्रदेश नम्बर १का विभिन्न ठाउँका अपाङ्गता भएका २५ जनाको सहभागिता रहेको तालिममा गंगा घिमीरेले प्रशिक्षण दिएका थिए ।
समापन कार्यक्रम प्रमुख अतिथी दास , गौरीभक्त होटल मेनेजमेन्ट प्रालिका शान्तिराम खनाल , नेपाल चेलिवेटी अपाङ्गग महिला समाजकी अध्यक्ष दिलकुमारी राई लगायतका अतिथीहरुले तालिममा सहभागीहरुलाई तालिममा सिकेका कुराहरुका व्यवसायिक रुपमा प्रयोगमा ल्याएर आत्मनिर्भर वन्न प्रयोग गर्न सुझाव दिए । तालिममा सहभागीले तालिम प्रभावकारी भएको वताएका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved