WEB PIC
काठमाडौं : भारतका चर्चित गायक तथा संगीतकार बप्पी लहरीको ७० वर्षको उमेरमा निधन भएको छ ।
मंगलबार राति अचानक स्वास्थ्यमा समस्या देखिएपछि मुम्बइको जुहुस्थित क्रिटी केयर अस्पतालमा लगिएका उनको आज बुधबार बिहान निधन भएको हो । साङ्गीतिक उद्योगमा ‘बप्पी दा’ को नामले परिचित बप्पी लहरीलाई डिस्को किङ्ग समेत भनिन्थ्यो ।
सन् १९५२ मा कलकत्तामा सांगीतिक माहौल भएको परिवारमा जन्म भएका बप्पीका पिता अपरेश लहरी प्रसिद्ध बंगाली गायक हुनुहुन्थ्यो भने आमा बनसरी प्रसिद्ध शास्त्रीय संगीतकार हुनुहुन्थ्यो ।
१९ वर्षको उमेरदेखि नै संगीत निर्देशकको काम सुरु गरेका बप्पी दाले सन् १९७२ मा बंगली फिल्म ‘दादू’ मा पहिलो पटक संगीत दिएका थिए ।
बप्पी लहरी आफ्नो सङ्गीतका साथै अत्यधिक सुन लगाउने भएका कारण पनि चर्चित थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
