काठमाडौं : नेपाली कांग्रेसका महामन्त्री विश्वप्रकाश शर्मालाई कोरोना संक्रमण पुष्टि भएको छ । महामन्त्री शर्माले आफूसहित सपरिवारलाई यस अघि करिब ८ महिना अघि पनि कोरोना भएको र फेरि कोरोना संक्रमण पुष्टि भएको सामाजिक संजाल ट्वीटर मार्फत बताउनु भएको हो ।
उहाँ सहित परिवारलाई आज कोरोना संक्रमण पुष्टि भएको हो । विशेष गरी सार्वजनिक कार्यक्रममा सहभागी हुने क्रममा सावधानी नअपनाएका कारण कोरोना संक्रमण भएको बताउँदै उहाँले आत्मालोचना समेत गर्नु भएको छ । हाल स्वास्थ्य अवस्था सामान्य रहेको र चिकित्सकको परामर्शमा आइसोलेसनमा बसेको उहाँले बताउनु भएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
