सुनसरी : सुनसरी जिल्ला स्तरिय ए डिभिजन लिग फुटबल अन्तर्गत आइतबार भएको खेलमा धरान फुटबल क्लब र राष्ट्रिय जागृती क्लबले जित हात पारेका छन् ।
इटहरी स्थित क्षेत्रिय रंगशालामा आइतबार सम्पन्न पहिलो खेलमा धरान फुटबल क्लबले धरानकै टेम्के क्लबलाई २–० गोल अन्तरले पराजित गरेको छ । धरानको जितमा रिवश मास्के र सुगास जीमीले एक–एक गोल गरे । मास्केले खेलको १३ औं र जिमीले ३१ औं मिनेटमा गोल गरेका हुन् । उक्त खेलको म्यान अफ द म्याच बिजयी टिम धरान फुटबल क्लबका सुगास जीमी घोषिता भए । उनले नगद रु. १ हजार ५ सय पुरस्कार पाए ।
आइतबार नै सम्पन्न दोस्रो खेलमा राष्ट्रिय जागृती क्लबले इटहरी फुटबल क्लबलाई ३–० गोल अन्तरले पराजित गरेको छ । उसका लागि अनिष चौधरी, स्मित तामाङ्ग र समिट कुमार चौधरीले एक–एक गोल गरे । अनिषले दोस्रो हाफको १४ औं, स्मितले ३३ औं र समिटले ३७ औं मिनेटमा गोल गरेका थिए । सो खेलको म्यान अफ द म्याच समिट कुमार चौधरी घोषित भए । उनले पनि नगद रु. १ हजार ५ सय पुरस्कार पाए ।
भोली सोमबारको पहिलो खेल गोल्डेनस्टार क्लब दुहबी र गोधुली क्लब धरान बिच हुँदा दोस्रो खेल एलेभेन एरो क्लब दुहबी र न्यु स्टार क्लब बराहक्षेत्र बिच हुने आयोजकले जनाएको छ ।
अखिल नेपाल फुटबल संघ एन्फा सुनसरीको आयोजनामा सुरु भएको लिग पौष २५ गते सम्म चल्नेछ । लिगमा सुनसरीका आठ टिमको सहभागिता रहेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved