बराहक्षेत्र : प्रथम बराह नकआउट फुटबल प्रतियोगितामा पटनालि फुटबल क्लब बिजयी हुँदै फाइनलमा प्रवेश गरेको छ ।
बराहक्षेत्र वडा नं २ मा जारी प्रथम बराह नकआउट फुटबल प्रतियोगिता अन्तर्गत आज बिहिबार भएको दास्रो सेमिफाइनल खेलमा पटनालि फुटबल क्लबले एभरेष्ट फुटबल क्लबलाई २-० गोल अन्तरले हराउँदै फाइनलमा प्रवेश गरेको हो ।
पटनालि फुटबल क्लबका खेलाडी जर्सी नं. २० का युनिक कार्कीले खेल सुरु भएको ३ मिनेटमा नै गोल गरेर टिमलाई अग्रता दिलाएका थिए । पटनालि फुटबल क्लबका लागि दोस्रो गोल जर्सी ८ का साहिल राईले खेलको १२ औ मिनेटमा गरेका थिए ।
एभरेष्ट फुटबल क्लबका खेलाडीहरुले गोल गर्ने अवसर प्राप्त गरेता पनि खेलमा फर्किने अवसरलाई सदुपयोग गर्न सकेनन् ।
आजको खेलको म्यान अफ द म्याच पटनालि फुटबल क्लबका दिपक गिरी घोषित भए । उनलाई आयोजक हाटखोला फुटबल क्लबका अध्यक्ष विकास सुनुवारले नगद रु. २ हजार तथा ट्रफी प्रदान गरेका थिए ।
प्रतियोगितामा प्रथम हुने टिमले नगद रु. ५१ हजार तथा दोस्रो हुने टिमले ३१ हजार रुपैयाँ तथा ट्रफी प्राप्त गर्नेछन् भने खेल अवधि भर उत्कृष्ट खेल प्रदर्शन गर्ने १ जना खेलाडीले नगद रु ५ हजार प्राप्त गर्ने छन् । त्यस्तै उत्कृष्ट विधाहरुमा सर्वाधिक गोल गर्ने, उत्कृष्ट गोलरक्षक, उत्कृष्ट मिडफिल्डर, उत्कृष्ट डिफेन्डर, राइजिङ प्लेयर, उत्कृष्ट कोच लगायतले जनही नगद रु. ३ हजार प्राप्त गर्ने कुरा आयोजक क्लबका सचिब रोहित साहले जानकारी दिएका हुन् ।
यही पौष ३ गते शनिवारका दिन ठिक २ बजेबाट बराहक्षेत्र नगर पालिका भित्र रहेर पत्रकारिता गरीरहेका पत्रकार तथा आयोजक भेट्रानसँग फुटबल प्रतियोगिता हुने कुरा आयोजक क्लबका सचिव रोहित शाहले जानकारी दिए ।
फाइनल खेल पनि पौष ३ गते शनिबार ३ बजेबाट बाइस बिगे खेल मैदानमा सप्तकोशी फुटबल क्लब, देवीघाट तथा पटनालि फुटबल क्लब , धरान बिच हुने समेत शाहले जानकारी दिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved