काठमडौं : रक्षामन्त्री मीनेन्द्र रिजालले पदबाट राजीनामा दिनुभएको छ । १४ औं महाधिवेशनमा महामन्त्री पदका उम्मेदवार बन्नुभएका रिजालले पराजयसँगै प्रधानमन्त्री शेरबहादुर देउवालाई राजीनामा बुझाउनुभएको हो ।
राजीनामा दिएपछि रक्षा मन्त्रालयमा पत्रकार सम्मेलन गर्दै रिजालले पार्टीभित्र आफ्नो अवस्थाबारे सोचेर पदबाट राजीनामा दिएको बताउनुभयो । उहाले पार्टीभित्र आफ्नो अवस्था अत्यन्त संकुचित भएको जिकिर गर्नुभयो ।
रिजालले आफू राजनीतिमै रहने वा नरहने निष्कर्षमा नपुगेको भन्दै राजीनामा निर्णय आफूले भावावेशमा नगरेको बताउनुभयो । पत्रकार सम्मेलनमा उहाले अब के गर्ने भन्ने विषयमा गम्भीर रुपमा सोच्ने पनि बताउनुभयो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
