बराहक्षेत्र : बराहक्षेत्र वडा नं २ मा जारी "प्रथम बराह नकआउट फुटबल प्रतियोगिता" अन्तर्गत आज मंगलबार भएको खेलमा पट्नाली फुटबल क्लबले कल्चरल ग्रीन फुटबल क्लबलाई हराउँदै सेमिफाइनलको यात्रा तय गरेको छ ।
कल्चरल ग्रीन फुटबल क्लबलाई टाइब्रेकरमा १ का विरुद्ध ४ गोलले पराजित गर्दै पट्नाली फुटबल क्लब सेमिफाइनलमा प्रवेश गरेको हो ।
खेल सुरु भएको ८ मिनेटमा नै कल्चरल ग्रीन फुटबल क्लबका जर्सी नं. ६ का खेलाडि उमेश कार्कीले गोल गरेर टिमलाई अग्रता दिलाएका थिए । उनले डि बक्स बाहिर बाट गरेको प्रहारले सिधै जालि चुमेको थियो ।
पहिलो हाफमा १-० ले पछि परेको पट्नाली फुटबल क्लब दोस्रो हाफमा भने निकै आक्रामक रुपमा प्रस्तुत भएको थियो जसको फल स्वरुप २३ औं मिनेटमा जर्सी नं. ८ का खेलाडि साहिल राईको गोल मार्फत टिमले बराबरी गर्न सफल भयो ।
त्यस पछि दुबै टिमले गोल गर्न नसक्दा ६० मिनेटको खेल १-१ गोलको बराबरीमा टुङ्गिएको थियो र खेलको निर्णय टाइब्रेकर बाट गर्नु परेको थियो । टाइब्रेकरमा पटनालि फुटबल क्लबले ४-१ को जित निकाल्न सफल भएको हो ।
खेलको म्यान अफ द म्याच पट्नाली फुटबल क्लबका गोलरक्षक सुमन निरौला घोषित भए । उनलाई कल्चरल ग्रीन फुटबल क्लबका उपाध्यक्ष दिनेश राईले नगद रु. २ हजार तथा ट्रफी प्रदान गरेका थिए ।
भोलिको खेल हाटखोला फुटबल क्लब-हाटखोला तथा सप्तकोशी फुटबल क्लब-देबिघाट बिच हुने कुरा आयोजक हाटखोला फुटबल क्लबका सचिव रोहित शाहले जानकारी दिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved