'' किन दुख्छ मुटु "बोलको म्यूजिक भिडियो विमोचन

इटहरी :  करिब दुई बर्षलामो लक डाउन पछि नेपालका प्रमुख क्षेत्रहरु फेरि चलायमान भएका छन । शैक्षिक ,व्यापारिक,पर्यटकिय र सांगीतिक क्षेत्र पनि बिस्तारै कोरोना कहरबाट बाहिर निस्कने क्रम जारी रहेको छ । कोरोना कहरको पिडालाई बिर्सेर इटहरीमा मंगलबार एक कार्यक्रम गरी किन दुख्छ मुटु बोलको म्यूजिक भिडियो विमोचनगरि सार्वजनिक गरिएको छ । कञ्चनजंगा बोडिङ स्कूलका प्रधानाध्यापक तथा गीतकार हरी आचार्यको शब्द रहेको उक्त गीतमा संगीत नविन कार्कीको रहेको छ ।

अंजु पन्तको स्वरमा सजिएको उक्त गीतमा माधव केसी,लाजिना सुवेदी लगायत हरी आचार्य,र सिमरन कार्कीको अभिनय रहेको छ । प्रदेश नं १ का समाजिक बिकास मन्त्री जय राम यादवको प्रमुख आतिथ्थता रहेको उक्त बिमोचन कार्यक्रमको सभापतित्व हरि आचार्यको रहेको थियो भने अतिथिमा संगीत साधना प्रतिष्ठान नेपालका महासचिव राजु केसी, एन प्याब्सन सुनसरीका अध्यक्ष नारायण संजेल,सांग्रीला बैंक १ नं प्रदेश प्रमुख उमेस खड्का लगायतका अतिथिहरुको उपस्थिति रहेको थियो ।