बराहक्षेत्र : बराहक्षेत्र वडा नं २ मा जारी प्रथम बराह नकआउट फुटबल प्रतियोगिता अन्तर्गत आज आइतबार भएको खेलमा पटनालि फुटबल क्लब बिजयी भएको छ ।
बराह युथ क्लबलाई १ का विरुद्ध ४ गोलले हराउँदै पटनाली फुटबल क्लब दोस्रो चरणमा प्रवेश गरेको छ।
पटनाली फुटबल क्लबका खेलाडी जर्सी नं ७ का सुदेश राईले पहिलो हाफको ५ मिनेटमा गोल गरेर टिमलाई अग्रता दिलाएका थिए । पटनालि फुटबल क्लबका जर्सी नं २३ का सुजन बस्नेतले खेलको २१ औं मिनेटमा आत्मधाति गोल गरेर बराह युथ क्लबलाई १ गोल उपहार दिएका थिए ।
बराह युथ क्लबका खेलाडी रोनि बिष्ट जर्सी नं ९ ले मध्यान्तरको २० मिनेटमा विपक्ष गोल पोष्टमा १ गोल गरी टिमलाई अग्रता दिलाएका थिए ।
पटनालि फुटबल क्लबका खेलाडी नगेन्द्र कार्की जर्सी नं १४ ले खेलको २३ औं मिनेटमा पुनः १ गोल गरेर टिमलाई बराबरीमा पुराएका थिए ।
६० औं मिनेटको खेल २-२ गोलको बराबरीमा टुङ्गिए पछि आजका रेफ्री बिशाल सुनुवारले ट्राइबेकर बाट निर्णय गर्नु परेको थियो । ट्राइबेकरमा पटनालि फुटबल क्लब ४-१ ले जित निकाल्न सफल भएको हो ।
खेलको म्यान अफ द म्याच पटनालि फुटबल क्लबका गोलरक्षक सुमन निरौला भएका थिए । उनलाई माउन्ट एभरेस्ट फुटबल क्लबका अध्यक्ष तथा महिला फुटबल टिमका प्रशिक्षक सूर्य तुम्बाहाम्फेले नगद रु २ हजार रुपैयाँ तथा ट्रफी प्रदान गरेका थिए।
प्रतियोगितामा प्रथम हुने टिमलाई नगद रु ५१ हजार दोस्रो ३१ हजार रुपैयाँ तथा ट्रफी पाउने कुरा आयोजक क्लबका सचिव रोहित साहले बताए ।
वराहक्षेत्र वडा नं २ हाटखोला निवासी हाल हङकङ बसोबास गर्ने मज्जाको राई (नाम्गेल) ले प्रत्येक खेलमा पहिलो गोल गर्ने खेलाडीलाई नगद रु १ हजार रुपैयाँ तथा ट्रफी उपलब्ध गराएका छन् ।
भोलिको खेल पन्चायन फुटबल क्लब, बक्लौरी तथा आयोजक हाटखोला फुटबल क्लब रातो विच हुने कुरा राष्ट्रिय फुटबल खेलाडी रोसन श्रेष्ठले जानकारी दिए।
प्रतिक्रिया दिनुहोस
Copyright © 2019 / 2024 - Newpati.com - All rights reserved