एजेन्सी : पाँच पटकको युरोपियन च्याम्पियन बार्सिलोना बायर्न म्युनिकसँग पराजित हुँदै २१ वर्षमा पहिलोपटक च्याम्पियन्स लिगको नकआउट चरणमा प्रवेश गर्न असफल भएको छ ।
सन् २०००-०१ सिजनमा अन्तिम १६ मा छनोट हुन असफल भए यता बार्सिलोना लगातार अन्तिम १६ मा छनोट हुँदै आएको थियो ।
खेलको ३४ औँ मिनेटमा थोमस मुलरले बायर्न म्युनिखलाई अग्रता दिलाए भने पहिलो हाफ सकिन लाग्दा लिरोय सानेले अग्रता दोब्बर बनाए । दोस्रो हाफमा जमाल मुसिआलाले तेस्रो गोल गर्दै बायर्नको शतप्रतिशत नतिजा कायम गरे ।
नकआउट चरणमा प्रवेश गर्न बायर्नलाई जित्नै पर्ने दबाबमा रहेको बार्सिलोनाले गोल गर्ने मौका बनाएता पनि गोल गर्न नसक्दा हार बेहोर्नुपरेको हो । योसँगै जाभिको टोली तेस्रो हुँदै युरोपा लिगको नकआउट राउन्डमा पुगेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved