भोजपुरी चलचित्र मेरी जान हिन्दुस्तानको छायांकन इटहरीको पर्यटकिय क्षेत्र ताल तलैयामा सम्पन्न

इटहरी : भोजपुरी चलचित्र मेरी जान हिन्दुस्तान को छायांकन सुनसरीको इटहरीमा रहेको पर्यटकिय क्षेत्र ताल तलैयामा सम्पन्न भएको छ । देशभक्तिमा आधारित भोजपुरी चलचित्र नेपालका सीमा क्षेत्र लगायत बिभिन्न जिल्लाहरुमा पनि छायांकन गरिएको हो । नायक विराज भट्टको मुख्य भुमिका रहेको सो चलचित्रमा नायिका गुञ्जन पन्त र प्राचि सिंहको बेजोड अभिनय रहको फिल्मका निर्देशक गोपाल पाठकले जानकारी दिएका छन ।

त्यसैगरि खलनायकको भुमिका राम कुमार भगतको रहेको छ । नेपाली चलचित्रका एक्सन हिरोको नामले परिचत बिराट भोजपुरी चलचित्रमा पनि एक्सन हिरोको रुपमानै स्थापित भएको हुदा उनलाई नै मुख्य भुमिकामा राखिएको निर्देशक पाठकले बताए । भारत र पाकिस्तन बिचको द्धन्द्धलाई कथामा उतारिएको हुनाले नेपालका अधिकांश ठाउहरु चलचित्रकालागि उपयुक्त भएको हुनाले चलचित्रको छायांकनका लागि नेपालको बिभिन्न जिल्ला रोजिएको निर्देशक त्रिपाठीको भनाई थियो ।

करिब एक करोड भन्दा बडी लागतमा चलचित्र तयार हुने चलचित्रका निर्माता संजय कुमार रायदले बताएका छन । चलचित्रको सम्पुर्ण छायांकन तालतलैया बाट नै सकिएको पनि निर्माता रायदले बताए ।