इटहरी : अखिल नेपाल खेलकुद महासंघ सुनसरीको जिल्ला भेलाले मिनकुमार मगरको संयोजकत्वमा ३९ सदसिय नयाँ कमिटी चयन गरेको छ ।
इटहरीमा भएको अखिल नेपाल खेलकुद महासंघ सुनसरीको प्रथम भेलाले मिनकुमारको संयोजकत्वमा ३९ सदसिय नयाँ कमिटी चयन गरेको हो । अखिल नेपाल खेलकुद महासंघ केन्द्रीय सदस्य तथा सुनसरी जिल्ला इञ्र्चाज भुपेन्द्र चाम्लीगं राईको अध्यक्षता, नेकपा माओवादी केन्द्रका केन्द्रीय सदस्य तथा खेलकुद विभाग उप प्रमुख किरणकुमार राईको प्रमुख आतिथ्यमा भएको भेलाले जिल्लामा रहेका सबै पालिकाबाट समेत प्रतिनिधित्व हुने गरी नयाँ कमिटी बनाएको हो ।
नयाँ कमिटी चयन गर्न भएको भेलामा नेकपा माओवादी केन्द्रका केन्द्रीय सदस्य निर्मल बराल, अखिल नेपाल खेलकुद महासंघ केन्द्रीय सचिव तथा प्रदेश नम्बर १ का संयोजक रितेश श्रेष्ठ, सितोरियो कराते नगर कमिटी इटहरीका अध्यक्ष दुर्गाबहादुर बुढाथोकी लगायतका अतिथीहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved