एजेन्सी: १० खेलाडीमा सीमित बनेको पेरिस सेन्ट जर्मेन (पीएसजी) ले नान्टेसलाई ३-१ ले पराजित गरेको छ ।
शनिबार राति भएको खेलमा पीएसजीलाई जित दिलाउन किलियन एम्बाप्पे र लियोनल मेस्सीले १-१ गोल गरे भने १ गोल आत्मघाती रह्यो ।
किलियन एमबाप्पेले खेलको दोस्रो मिनेटमा गोल गर्दै पीएसजीलाई अग्रता दिलाएका थिए । खेलको ६५ औं मिनेटमा गोलकिपर केलोर नाभासले रातो कार्ड पाएपछि पीएसजी १० खेलाडीमा सिमित भएको थियो । त्यसपछि दबाबमा परेको पीएसजीको फाइदा उठाउँदै खेलको ७६ औं मिनेटमा रण्डाल कोलो मुआनीले गोल गर्दै नान्टेसलाई १-१ गोलको बराबरीमा ल्याए ।
खेलको ८१ औँ मिनेटमा डेनिस अपियाले आत्मघाती गोल गरेपछि पीएसजीले पुनः अग्रता लियो भने खेलको ८७ औं मिनेटमा लियोनल मेस्सीले २० यार्ड टाढाबाट सुन्दर गोल गर्दै पीएसजीलाई ३-१ को जित दिलाए । मेस्सीको यो पहिलो लिग वान गोल हो ।
जितसँगै शीर्ष स्थानको पीएसजीले १४ खेलमा ३७ अंक जोडेको छ भने दोस्रो स्थानको रेनेसको समान खेलमा २५अंक छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved