इटहरी : तिहारमा खेलिने देउसी भैलीेको परम्परा जर्गेना गर्ने उद्धेश्यले नरेन्द्र दंगालको देउसी गित एक कार्यक्रमका विच लोकार्पण गरियो ।
वरिष्ठ गायक बालकृष्ण कार्कीको प्रमुख आतिथ्यतामा देउसी गितको लोकार्पण गरिएको हो ।
हाइलाइटस् नेपाल नामको युट्युव च्यानलबाट सार्वजनिक गरिएको सो गितको संयोजक सञ्चारकर्मी रेवती निरौला रहेका छन् भने गितमा आर्दश बाल क्लबका कलाकार साथै सुनसरी र मोरङ का केही सञ्चारकर्मीहरुले देउसी खेलका छन् । हास्य मसलाका रुपमा बालकुमार थेवेले भुमिका निर्वाह गरेको देउसी गितको निर्देशन रोहीत खनाल र छायाँकन पारस चौधरीको रहेको छ ।
देउसी गित लोकार्पण कार्यक्रममा नागरिक समाज इटहरीका अध्यक्ष राजु केसी, प्रेस चौतारीका केन्द्रीय उपाध्यक्ष लिलाराज भट्टराई, सुन्दरहरैचा नगरपालिकाका वडा नम्बर ४ का वडाध्यक्ष शैलेन्द्र श्रेष्ठ लगायतका अतिथीहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
