एजेन्सी : विश्वकप टी–ट्वान्टी क्रिकेटमा अष्ट्रेलियाले लगातार दोस्रो जित निकालेको छ । पहिलो खेलमा दक्षिण अफ्रिकालाई हराएको अष्ट्रेलियाले गएराति भएको दोस्रो खेलमा श्रीलंकामाथि ७ विकेटको जित निकाल्यो ।
दुबईमा टस हारेर पहिले ब्याटिङ गरेको श्रीलंकाले २० ओभरमा ६ विकेट गुमाएर १ सय ५४ रन बनाएको थियो । जवाफमा १ सय ५५ रनको लक्ष्य अष्ट्रेलियाले १७ ओभरमा ३ विकेट गुमाएर पुरा ग¥यो । उसका लागि डेभिड वार्नरले ६५ रन बनाए ।
जितसँगै अष्ट्रेलियाले समूहको शिर्ष स्थानमा रहेको इंग्ल्याण्डसँग अंक बराबरी गरेको छ । दुबै टोलीले दुई खेलबाट ४–४ अंक जोडेका छन् । अष्ट्रेलियाले अब तेस्रो खेलमा शनिवार इंग्ल्याण्डको सामना गर्नेछ । यो खेलमा एक टोलीको शत प्रतिशत जितको यात्रा टुंगिने निश्चित छ ।
विश्वकप टी–ट्वान्टी क्रिकेटमा आज दुई खेल हुनेछन् । दिउँसो पौने ४ बजे सारजाहमा बंगलादेशले वेष्ट इंडीजसँग खेल्दा बेलुकी पौने ८ बजे दुबईमा अफ्गानिस्तान र पाकिस्तान भिड्नेछन् ।
प्रतिक्रिया दिनुहोस
Copyright © 2019 / 2024 - Newpati.com - All rights reserved