काठमाडौं : डाउनट्रेण्ड ब्रेक गर्दै केहिदिन यता निरन्तर उकालो लागेको शेयर बजारमा मंगलबार पनि दोहोरो अंकको सुधार आएको छ । शेयर बजारमा दोहोरो अंकको सुधार आउँदा कारोबारमा पनि वृद्धि भएको छ । उतारचढावका बिच बजार परिसूचक नेप्सेमा ७८ अंकको सुधार आउँदा बजार परिसूचक नेप्से २७ सय ५१ बिन्दुमा पुग्दा ११ अर्ब ४८ करोड बराबरको कारोबार भएको छ ।
मंगलबार जीवन बिमा समुह ४ सय ९९ अंकले उकालो लाग्दा निर्जिवन, होटल तथा पर्यटन, विकास बैंक, वित्त, लघुवित्त, जलविद्युत, उत्पादनमुलक र लघुवित्त समुहमा दोहोरो अंकको सुधार आएको छ ।
मंगलबार बेस्ट फाईनान्स कम्पनीका शेयर लगानीकर्ताले सबैभन्दा बढी कमाउँदा साना किसान विकास बैंकका लगानीकर्ताले सबैभन्दा बढी गुमाउन पुगे । मंगलबार १ सय ७९ कम्पनीका शेयर लगानीकर्ताले कमाउँदा ६ कम्पनीका लगानीकर्ता गुमाउन पुगे ।
मंगलबार २ सय २७ कम्पनीको ६३ करोड १८ लाख कित्ता शेयर ११ अर्ब ४८ करोडमा किनबेच भएको नेपाल स्टक एक्सचेन्जले जनाएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
