इटहरी : इटहरीबाट सञ्चालित विराट टेलिभिजनले प्रथम विराट मिडिया कप फुटबल आयोजना गरेको छ । आगामी असोज २२ गतेदेखि २६ गतेसम्म इटहरी स्थित इटहरी रङ्गशालामा मिडिया कप आयोजना गरेको टेलिभिजनले मंगलबार पत्रकार सम्मेलन गदै जानकारी दिइएको हो ।
प्रदेश १ को सुनसरी, मोरङ र झापाबाट सञ्चालनमा रहेका विभिन्न सञ्चार ग्रिहहरूले खेलमा सहभागिता जनाएको आयोजक कमिटीका अध्यक्ष बिकल पौडेलले जानकारी दिनुभयो । प्रतियोगितामा आयोजक विराट टेलिभिजन सहित ९ टिमको सहभागिता रहने छ ।
पहिलो खेलमा उद्घोष दैनिक, विराटनगर र ग्रामीण पत्रकार समुह, बराहक्षेत्र बिच हुने छ । यस्तै २३ गते दिउँसो ४ बजे हिमशिखर टेलिभिजन, दमक र सूर्योदय टेलिभिजन, बिर्तामोड, २४ गते बिहान ७ बजे नेपाल टेलिभिजन, इटहरी र मकालु टेलिभिजन, विराटनगर सोही दिन दिउँसो ४ बजे सप्तकोसी एफएम, इटहरी र दीप खबर, इटहरी बीच प्रतिस्पर्धा हुने आयोजकले जानकारी दिएको छ । २५ गते सेमिफाइनल र २६ गते फाइनल खेल हुने आयोजक कमिटीका अध्यक्ष पौडेलले पत्रकार सम्मेलनमा जानकारी दिनुभयो ।
खेलमा प्रथम र द्वितीय हुनेलाई क्रमश ३० हजार र १५ हजार नगदसहित ट्रफी र मेडल प्रदान गरिने कार्यक्रम संयोजक मनोज भुजेलले जानकारी दिनुभयो । यसका साथै प्रत्येक खेलको म्याद अफ दी म्याचलाई नगद १ हजारले पुरस्कृत गरिने छ । यस्तै उत्कृष्ट गोल रक्षकलाई ३ हजार प्रदान गरिने भुजेलले जानकारी दिनुभयो । जिल्ला फुटबल संघ एन्फा सुनसरीको सहकार्यमा हुने खेल असोज २६ गते सम्पन्न हुने छ । २२ गते समुद्घाटन समारोहमा १ नम्बर प्रदेश प्रहरी कार्यालय प्रहरी प्रमुख डीआइजी अरुण कुमार विसीबाट हुने जनाइएको छ । मिडिया हाउस बिचको सम्बन्ध थप प्रगाढ बनाउनुको साथै दशैँ तिहारको शुभकामना आदान प्रदान गर्न फुटबल प्रतियोगिता आयोजना गरेको आयोजक टेलिभिजनले जनाएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved