काठमाडौं : माल्दिभ्समा जारी दक्षिण एसियाली फुटबल (साफ) च्याम्पियनसिपमा नेपालले श्रीलङ्कालाई पराजित गरेको छ ।
माल्दिभ्सको मालेस्थित राष्ट्रिय फुटबल रंगशालामा गए राति भएको खेलमा नेपालले श्रीलङ्कालाई ३–२ गोलअन्तरले हराएको हो । नेपाललाई विजयी गराउन सुमन लामा, अञ्जन विष्ट र आयुष घलानले एक एक गोल गरे ।
नेपाल लगातार दोस्रो खेलमा जित निकाल्दै अंक तालिकाको शीर्ष स्थानमा उक्लन सफल भएको छ । यसअघि पहिलो खेलमा नेपालले आयोजक माल्दिभ्सलाई १–० गोलअन्तरले पराजित गरेको थियो । समान खेलबाट ४ अंक जोडेको बंगलादेश दोस्रो स्थानमा छ ।
प्रतियोगिताको तेस्रो खेलमा नेपालले असोज २४ गते आइतवार राति भारतसँग खेल्नेछ । ५ टोली सहभागि यस प्रतियोगितामा राउण्ड रोबिन लिगको आधारमा समुह चरणका खेलहरू भईरहेका छन् । समुहका शिर्ष दुई टोली उपाधिका लागि भिड्नेछन् । फाईनल खेल यही असोज ३० गते हुनेछ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved