चतरा : बराहक्षेत्र नगरपालिका वडा नं १ स्थित चतरामा सम्पन्न प्रथम चतरा नकआउट फुटबल प्रतियोगिताको उपाधि जे. एस. वाई. सी. फुटबल क्लब सुन्दरहरैचा मोरङले जितेको छ ।
आइतबार भएको फाईनल खेलमा जे. एस. वाई. सी. फुटबल क्लबले एभरेष्ट फुटबल क्लब, बराहक्षेत्र–३ नडाहालाई टाईब्रेकरमा ४–२ ले हराउँदै उपाधि जित्न सफल भएको हो ।
चतरा खेलमैदानमा भएको निर्धारित ६० मिनेटको खेलमा दुवै टोलीले १–१ को बराबरी खेलेपछि खेलको निर्णय टाईब्रेकरबाट गरिएको थियो । पहिलो हाफ गोल रहित बराबरीमा सकिएको थियो भने दोस्रो हाफमा एभरेष्ट फुटबल क्लबले निसान लिम्बुको गोल मार्फत अग्रता लिएको थियो । खेल सकिन ५ मिनेट बाकिँ हुँदा जे. एस. वाई. सी. का सुजन मगरले गोल गरेर खेल लाई बराबरीमा ल्याएका थिए । त्यस पछि दुबै टिमले गोल गर्न नसक्दा खेलको निर्णय टाइब्रेकरबाट गरिएको थियो ।
विजेता बनेको जे. एस. वाई. सी. ले ट्र्फि सहित नगद रु. ४५ हजार हात पार्यो भने उपविजेता एभरेष्ट फुटबल क्लबले नगद रु. २० हजारमा चित्त बुझायो । विजेता तथा उपविजेता खेलाडीहरुलाई अखिल नेपाल फुटबल संघ (एन्फा) का मानार्थ उपाध्यक्ष किशोर राईले पुरस्कृत गर्नुभएको थियो ।
हिजोको खेलका म्यान अफ द म्याच जे।एस।वाई।सी फुटबल क्लबका खेलाडी सुजन मगर घोषित भए । मगरले १ हजार नगद तथा ट्र्फि प्राप्त गरे ।
गत असोज १० गतेदेखि शुरु प्रतियोगितामा कुल आठ टोलीहरुले सहभागिता जनाएका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved