अविरल बचत तथा ऋण सहकारी संस्था लिमिटेडको एघारौं वार्षिक साधारणसभा सम्पन्न

इटहरी : सुनसरीको इटहरीमा रहेको अविरल बचत तथा ऋण सहकारी संस्था लिमिटेडको एघारौं वार्षिक साधारणसभाले कुवेर बरालको अध्यक्षतामा नयाँ कार्यसमिति चयन गरेको छ ।

एघारौं वार्षिक साधारणसभाले सर्वसम्मत रुपमा नयाँ कार्यसमितिको उपाध्यक्षमा डिल्लीप्रसाद भण्डारी र सचिवमा सञ्जीव घिमीरेलाई चयन गरेको हो । त्यसै गरी सदस्यहरुमा रुद्र कट्टेल, सुरेश कुमार माझी, मोहन सुवेदी, रतनकुमार साह, सुरेश सुवेदी, गोपाल तामाङ्ग, रोशनकुमार महतो, लक्ष्मी खड्का रहेका छन् । वार्षिक साधारण सभाले लेखा समिति समेत चयन गरेको छ । लेखा समितिको संयोजकत्वमा गोविन्द्र प्रसाद घिमीरे, श्याम केसी र अच्युच न्यौपानेलाई सदस्यमा चयन गरेको छ ।

बमबहादुर लिम्बुको अध्यक्षता भएको एघारौं वार्षिक साधारण सभाको खुल्ला सत्रमा विभिन्न विधामा सम्मान समेत गरिएको थियो । यसरी सम्मानीत हुनेहरुमा उत्कृष्ट नियमित वचतकर्ताको रुपमा अनिता कुमारी चौधरी, असल कारोवारी रेणुकुमारी महतो , युवा उद्यमी देवन्द्र बस्नेत, उत्कृष्ट बाल वचतकर्ता गृष्मा घिमीर,े उत्कृष्ट वचतकर्ता धनपति दहाललाई नगद तथा प्रमाण पत्रले सम्मान गरियो ।

शालिकराम ढकालको प्रमुख आतिथ्यतामा भएको वार्षिक साधारणसभामा प्रस्तुत गरिएको अध्यक्षको प्रतिवेदनमा संस्थामा ६ सय ९८ जना सेयर सदस्य रहेको तथा शेयर पुँजी एक करोड ५९ लाख ९६ हजार दुई सय रुपैया रहेको उल्लेख गरिएको छ । त्यसै गरी २ करोड ७६ लाख ६७ हजार ४ सय ५८ रुपैया निक्षेप रहेको सोही प्रतिवेदनमा उल्लेख गरिएको छ । कार्यक्रममा उद्योग वाणिज्य संघ इटहरीका बरिष्ठ उपाध्यक्ष दिवश पोखरेल, संस्थाका संस्थापक अध्यक्ष विक्रम घिमीरे लगायतका अतिथीहरुको सहभागिता रहेको थियो ।