बराहक्षेत्र : विजय दशमी २०७८ अवसरमा सप्तकोशी युवा क्लब बराहक्षेत्र वडा नं ७ ले क्लब स्तरिय फुटबल प्रतियोगिता आयोजना गर्ने भएको छ।
आज पत्रकार सम्मेलन तथा भेटघाटमा क्लबका अध्यक्ष कपिल आचार्यका अनुसार यहिँ असोज २१ गते देखि २७ गते सम्म श्री बशन्त ऋतु मा. बि. को खेल मैदानबाट क्लब स्तरिय फुटबल प्रतियोगिता आयोजना गर्ने कुरा बताउदै ८ वटा क्लबहरुले सहभागी जनाउने जानकारी दिए।
सप्तकोशी युवा क्लबका सचिव लेखु न्यौपानेका अनुसार पुलिस क्लब रानि विराटनगर, राजावास फुटबल क्लब बराहक्षेत्र वडा नं ९, हाट खोला क्लब बराहक्षेत्र वडा नं २, शान्ति नगर तरहरा, बक्लौरी युवा क्लब पन्चायन, सप्तकोशी युवा क्लब देवी धाट, न्यु स्टार क्लब कालाबन्जर तथा आयोजक निलो बराहक्षेत्र वडा ७ समेत सहभागी हुने भएका छन्।
प्रथम हुने टिमले पुरस्कार स्वरुप रु. ५५ हजार ५५५, दोस्रो हुने टिमले रु. ३५ हजार ५०० रुपैयाँ नगद सहित ट्रफि प्राप्त गर्ने छन्।
सप्तकोशी युवा क्लबका अध्यक्ष कपिल आचार्य, विशिष्ट अतिथि बराहक्षेत्र नगरपालिका प्रशासकीय अधिकृत प्रमुख राजेश पोखरेल, प्रमुख अतिथि खेलकुद विकास समिति नगर संयोजक आशाराम चौधरी तथा बडा नं ७ अध्यक्ष विर बहादुर लिम्बु लगायतको उपस्थित रहेको थियो।
खेल अवधिको अनुमानित खर्च रु. ४,३७,००० रहेको कुरा अध्यक्ष आचार्यले जानकारी दिए।
प्रतिक्रिया दिनुहोस
Copyright © 2019 / 2024 - Newpati.com - All rights reserved
