चतरा : प्रथम चतरा नकआउट फुटबल प्रतियोगिता अन्तर्गत आज भएको पहिलो सेमिफाइनल खेलमा जे. एस. वाई. सि. फुटबल क्लबले ग्रिन कल्चर फुटबल क्लबलाई ४-१ ले हराउँदै फाइनलको यात्रा तय गरेको छ।
खेलको सुरुवात भएको १० औं मिनेटमा ग्रिन कल्चर फुटबल क्लबका जर्सी नं १० का खेलाडी एलन राईले १ गोल गरेर क्लबलाई अग्रता दिलाएका थिए। तर जे. एस. वाई. सि. का सुसन मगरले १७ औं मिनेटमा गोल गरेर टिमलाई बराबरीमा पुराएका थिए।
पुनः सुसन मगरले दोस्रो गोल गरेर टिमलाई २-१ को अग्रता दिलाएका थिए । जे. एस. वाई. सि. कै अर्का खेलाडी सुसन बस्नेतले २ गोल गरी क्लबको जित सुनिस्चित गरेका थिए।
आजको खेलका म्यान अफ द म्याच सुसन मगर घोषित भएका थिए। मगरलाई खेल प्रेमि तथा आयोजक क्लबका कोषाध्यक्ष प्रियंका चाम्लिङ राईले नगद रु १ हजार रुपैयाँ तथा ट्रफि प्रदान गरेकि थिइन्।
फाइनल खेल यही १७ गते हुने कुरा आयोजक समितिका सचिव दिनेश राईले जानकारी दिदै भने प्रथम ट्रफी मनोज साह तथा दोस्रो ट्रफी मनोज रामले सौजन्य गरेका हुन।
भोलि हुने दोस्रो सेमिफाइनल खेल हाटखोला फुटबल क्लब तथा एभरेष्ट फुटबल क्लब बिच दिउँसो ३ बजे हुने कुरा स्थानीय राष्ट्रिय फुटबल खेलाडी रोशन श्रेष्ठले जानकारी गराए।
प्रतिक्रिया दिनुहोस
Copyright © 2019 / 2024 - Newpati.com - All rights reserved
