इटहरी । महिलाको चरित्रहत्या हुनेगरी भिडियो प्रसारण गर्ने चार युट्युबर पक्राउ परेका छन् । पक्राउ पर्नेमा दैनिक खबर युट्युब च्यानलका सञ्चालक दाङका २१ वर्षीय प्रदीप भण्डारी, सराइचुली मिडिया युट्युब च्यानलका सञ्चालक पिंकला कार्की छन् ।
यस्तै हरेकपलको खबर युट्युब च्यानलका शिशिर अधिकारी र मोडर्न अनलाइन टीभी युट्युब च्यानलका रोधन तामाङलाई प्रहरीले पक्राउ गरेको हो ।उनीहरूलाई प्रहरीको साइबर ब्युरोको टोलीले पक्राउ गरेको हो ।
ती युट्युबरहरूले महिलाको तस्वीरसहित चरित्रहत्या हुने गरी सामग्री प्रसारण गरेको उजुरीको आधारमा उनीहरूलाई पक्राउ गरिएको ब्युरोका प्रवक्ता प्रहरी वरिष्ठ उपरीक्षक (एसएसपी) नविन्द अर्यालले जानकारी दिए ।पक्राउ परेकाहरूमाथि थप अनसन्धान भैरहेको प्रहरीले जनाएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved