इटहरी फुटबल क्लबलाई हराउँदै एभरेष्ट फुटबल क्लब प्रथम चतरा नकआउट फुटबल प्रतियोगिताको सेमिफाइनलमा

चतरा : बराहक्षेत्र वडा नं १ चतरामा जारी प्रथम चतरा नकआउट फुटबल प्रतियोगिता अन्तर्गत आज भएको अन्तिम क्वाटरफाईनल खेलमा एभरेष्ट फुटबल क्लबले इटहरी फुटबल क्लबलाई ३-० ले हराउँदै सेमिफाइनलमा आफ्नो स्थान पक्का गरेको छ।

खेलको सुरुवाती १३ मिनेटमा एभरेष्ट फुटबल क्लबका खेलाडी सन्जय श्रेष्ठले गोल गरेर क्लबलाई अग्रता दिलाएका थिए। मध्यान्तर पछि अनिस लिम्बूले गोल गरेर क्लबलाई २-० को स्थितिमा पुराएका थिए । पुन: युवराज श्रेष्ठले १ गोल गरेर एभरेष्ट फुटबल क्लबको जित सुनिस्चित गरेका थिए।

आजको खेलका म्यान अफ द म्याच सन्जय श्रेष्ठ घोषित भए । श्रेष्ठलाई खेल प्रेमि तथा युवा व्यवसायी सुरेन श्रेष्ठले नगद रु १ हजार रुपैयाँ तथा ट्रफी प्रदान गरेका थिए।

भोलि कल्चर ग्रिन फुटबल क्लब, चक्रधटी तथा जे. एस. वाई. सि. फुटबल क्लब, सुन्दर हरैचा, मोरङ्ग बिचको पहिलो सेमिफाइनल खेल दिउँसो ३ वजे बाट हुने कुरा स्थानीय राष्ट्रिय फुटबल खेलाडी रोसन श्रेष्ठले जानकारी गराए।