जे. एस. वाई. सी. फुटबल क्लब प्रथम चतरा नकआउट फुटबल प्रतियोगिताको सेमिफाइनलमा

चतरा : बराहक्षेत्र नगरपालिका वडा नं १ स्थित चतरामा जारी प्रथम चतरा नकआउट फुटबल प्रतियोगिता अन्तर्गत आज भएको खेलमा जे. एस. वाई. सी. फुटबल क्लब, सुन्दर हरैचा, मोरङ्गले पन्चकन्या फुटबल क्लब बेलका, उदयपुरलाई २-० ले हराउँदै सेमिफाइनलमा आफ्नो स्थान पक्का गरेको छ।

खेलको सुरुवाती ४ मिनेटमा नै जे. एस. वाई. सी का खेलाडी डोजाङ राईले  गोल गरेर टिमलाई अग्रता दिलाएका थिए। मध्यान्तर पछि पुनः विजय गरुङले १ गोल गरेर टिमलाई २-० को जित सुनिस्चित गराएका थिए।

७० मिनेट खेलमा पन्चकन्या फुटबल क्लबका खेलाडीहरुले गोल गर्ने मौका पाएता पनि सहि सदुपयोग गर्न नसक्नु नै हारको प्रमुख कारण बनेको थियो।

आजको खेलका म्यान अफ द म्याच विजय गरुङ घोषित भए । गुरुङलाई खेल प्रेमि तथा आयोजक समितिका सदस्य इन्दु शेर्पाले नगद रु १ हजार रुपैयाँ तथा ट्रफी प्रदान गरेका थिए।

भोलि एभरेष्ट फुटबल क्लब, नडाहा तथा इटहरी फुटबल क्लब बिच दिउँसो ३ वजे खेल हुने कुरा स्थानीय राष्ट्रिय फुटबल खेलाडी रोसन श्रेष्ठले जानकारी गराए।