प्रथम चतरा नकआउट फुटबल प्रतियोगिता : हाटखोला फुटबल क्लब द्वारा राजावास फुटबल क्लब पराजित

चतरा : बराहक्षेत्र नगरपालिका वडा नं १ स्थित चतरामा असोज १० गतेबाट सन्चालनमा आएको प्रथम चतरा नकआउट फुटबल प्रतियोगिताको आज भएको दोस्रो खेलमा हाटखोला फुटबल क्लबले राजावास फुटबल क्लब माथि २-१ को जित हासिल गरेको छ।

हाटखोला फुटबल क्लबका खेलाडी राउल राई ले पहिलो गोल गरेर अग्रता दिलाएका थिए। मध्यान्तर अगाडि राजावास फुटबल क्लबका विमल राईले  गोल गरेर टिमलाई १-१ को बरावरीमा पुराएका थिए।

मध्यान्तर पछि हाटखोला फुटबल क्लबका खेलाडी दिपेश तामाङले १ गोल गरी टिमलाई २-१ ले अग्रता दिलाएका थिए। निर्धारित ८० मिनेटको खेलमा राजावास फुटबल क्लबले गोल गर्ने मौका पाएता पनि पोष्टमा गोल गर्न नसक्नु नै हारको कारण भएको थियो।

आजको म्यान अफ द म्याच हाट खोला क्लबका खेलाडी दिपेश तामाङ भएका थिए। तामाङलाई ईलाका प्रहरी कार्यालय चतराका असइ नइन्द्र कार्कीले १ हजार नगद तथा ट्रफी प्रदान गरेका थिए।

फाइनल खेल यही १७ गते हुने कुरा स्थानीय राष्ट्रिय फुटबल खेलाडी रोसन श्रेष्ठ जानकारी गराएका छन्। मोरङ,उदयपुर र सुनसरी जिल्लाका गरि जम्मा ८ वटा कल्बहरु सहभागी जनाएका छन। भोलिको खेल पञ्चकन्या फुटबल क्लब वेलाका ८ उदयपुर तथा जे.एस.आइ.सि सुन्दर हरैंचा मोरङ बिच दिउँसो को ३ बजे देखि हुने छ।