काठमाडौं : शनिबारबाट सुरु भएको चौथो संस्करणको एभरेष्ट प्रिमियर लिग (ईपीएल) टी–ट्वान्टी क्रिकेटको पहिलो खेलमा काठमाडौँ किंग्सले विजयी सुरुवात गरेको छ । काठमाडौँ किंग्सले ललितपुर पेट्रियट्सलाई ७ विकेटले पराजित गरेको छ ।
टियु क्रिकेट मैदानमा भएको उद्घाटन खेलमा साविक विजेता ललितपुर प्याट्रीयट्सले दिएको १ सय ५८ रनको लक्ष्य काठमाडौंले १४ ओभर २ बलमा ३ विकेट गुमाएर पूरा गर्यो ।
टस हारेर पहिले ब्याटिङ गरेको ललितपुरले २० ओभरमा ८ विकेट गुमाएर १ सय ५७ रन बनाएको थियो । पहिलो बलमै कप्तान कुशल भुर्तेललाई शून्य रनमा गुमाएको ललितपुरका लागि पवन सर्राफले ६१ रनको अर्धशतकीय इनिङ्स खेले । काठमाडौंका जितेन्द्र मुखियाले ४ विकेट लिए भने रायन ब्रुल र गुलशन झाले २-२ विकेट लिए ।
१ सय ५८ रनको लक्ष्य पछ्याउने क्रममा काठमाडौंका लागि दुई विदेशी खेलाडी रायन ब्रुल र रहमान उल्लाह गुर्बाजले अर्धशतकीय इनिङ्स खेले । रायनले अविजित रहदै ३४ बलमा ३ चौका र ७ छक्का को मद्धतले ७३ रन बनाए भने गुर्बाजले ३६ बलमा ४ चौका र ४ छक्का सहित ५९ रन बनाए ।
खेलको म्यान अफ द म्याच काठमाडौँ किंग्सका रायन ब्रुल घोषित भए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved