सन् २०२२ मा हुने विश्वकपको दक्षिण अमेरिकी छनोट खेलअन्तर्गत शुक्रबार बिहान पाँच खेल हुँदै छन् । अघिल्लो खेल कोभिडका कारण स्थगित भएका कारण ब्राजिल र अर्जेन्टिनाले आठौँ चरणको खेल खेल्दै छन् भने अरू सबै टिमले नवौँ चरणको खेल खेल्ने छन् ।
भोलि बिहान कोपा अमेरिका विजेता अर्जेन्टिनाका साथै ब्राजिल, उरुग्वे, चिलीलगायत राष्ट्र प्रतिस्पर्धामा छन् । अर्जेन्टिनाले बिहान ५ः४५ बजे बोलिभियासँग खेल्दै छ । अर्जेन्टिनामा हुने उक्त खेलमा घरेलु टिम पाँचौँ जितको खोजीमा छ ।
अङ्क तालिकाको दोस्रो स्थानमा रहेका अर्जेन्टिनाले सात खेल खेल्दा १५ अङ्क जोडेको छ । बोलिभियाले भने आठ खेलमा ६ अङ्क जोडेको छ ।
यस्तै, ब्राजिलले बिहान ६ः१५ बजे हुने खेलमा पेरुसँग खेल्ने छ । शीर्ष स्थानमा रहेको ब्राजिलले सात खेलमा २१ अङ्क जोडेको छ । उसले आफ्नो विजयी यात्रा कायमै राखेको छ । त्यसअघि बिहान ४ः१५ बजे उरुग्वे र इक्वाडरले खेल्ने छन् भने चिली र कोलम्बियाले ४ः४५ बजे खेल्ने छन् ।
प्रतिक्रिया दिनुहोस
Copyright © 2019 / 2024 - Newpati.com - All rights reserved