चतरा : बार्सिलोनाका स्ट्राइकर एन्ट्वान ग्रिजम्यान फेरी आफ्नो पुरानो क्लब एथ्लेटिको मड्रिड फर्किएका छन् । समर ट्रान्सफरको अन्तिम दिनमा ग्रिजम्यानलाई पुन एथ्लेटिको मड्रिड भित्राइएको हो ।
फुटबल जर्नलिस्ट फ्याब्रिजियो रोमेनोका अनुसार ग्रिजम्यान दुई वर्षका लागि लोनमा एथ्लेटिको मड्रिड फर्किएका हुन् । कन्ट्राकमा एथ्लेटिको मड्रिडले दुई वर्ष पछि ग्रिजम्यानलाई पूर्ण रुपमा किन्न पाउने उल्लेख छ । २०१९ मा एथ्लेटिको मड्रिडबाट बार्सिलोना गएका ग्रिजम्यानले कुल १०५ खेलमा ३५ गोल गरेका छन् ।
बार्सिलोना आर्थिक संकटमा जुझिरहेका बेला यो ट्रान्सफरले केहि हद सम्म सहयोग पुर्याउने बुझाई छ । आर्थिक संकटकै कारण लियोनल मेस्सीले पनि बार्सिलोना छाड्नु परेको थियो । टिम सुधार्ने प्रयासमा कतै टिम बिग्रिने पो होकि भन्ने डर फ्यानहरुमा उत्पन्न हुन थालेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
