स्पेनिस ला लिगामा आज बार्सिलोनाले तेस्रो खेल खेल्दै छ । नेपाली समयानुसार राति ८ः४५ बजेबाट सुरु हुने उक्त खेलमा बार्सिलोनाले गेटाफेसँग खेल्न लागेको हो । आफ्नै मैदान क्याम्प नोउमा हुने उक्त खेलमा बार्सिलोना दोस्रो जितको खोजीमा हुनेछ ।
यसअघि उसले एक खेलमा बराबरी र एक खेलमा जित निकालेको थियो । बार्सिलोना चार अङ्कका साथ आठौँ स्थानमा छ ।
गेटाफेसँगको खेलका लागि केही खेलाडी टोलीमा फर्किएका छन् । तथापि, रोनाल्ड कोम्यानका लागि दुःखद खबर पनि छ । जेरार्ड पिके चोटका कारण मैदान बाहिर रहँदा एरिक गार्सिया प्रतिबन्धका कारण गेटाफेविरुद्ध मैदान उत्रिने छैनन् । त्यसबाहेक पेड्री पनि टोलीमा छैनन् ।
शुभ समाचार भने टोलीमा मार्क–आन्द्रे टेर स्टेगन र ओस्कार मिङ्गुएजा चोटमुक्त हुँदै टोलीमा फर्किएका छन् । त्यस्तै, सामुअल उम्टिटी, फिलिप कौटिन्हो र मिरालेम ज्यानिक पनि गेटाफेसँग खेल्ने टिममा परेका छन् ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
