एजेन्सी : गए राती भएको इङ्गलिस प्रिमियर लिग फुटबलमा चेल्सीले आर्सनललाई २–० ले हराउँदा टोटनह्याम हट्सपरले वुल्भरह्यम्पटन वान्डरर्सलाई १–० ले हराएको छ भने म्यान्चेस्टर युनाईटेडले साउथह्याम्प्टनसँग १–१ गोलको बराबरी खेलेको छ ।
आर्सनलको घरेलु मैदानमा भएको खेलमा चेल्सीलाई जित दिलाउन रोमेलो लुकाकु र रिस जेम्सले एक एक गोल गरे । लगातार दुई खेलमा जित निकालेर ६ अंक जोडेको चेल्सी प्रिमियर लिग अंक तालिकाको शिर्ष स्थानमा छ भने दुबै खेलमा पराजित भएको आर्सनल १९ औं स्थानमा झरेको छ
त्यस्तै गएराती भएको टोटनह्याम हट्सपर र वुल्भरह्यम्पटन वान्डरर्स बीचको खेलमा डेली अलीले ९ औं मिनेटमा पेनाल्टीमार्फत गरेको गोल नै निर्णायक बन्यो ।
उता, म्यानचेस्टर युनाइटेड र साउथह्याम्पटन बीचको खेलमा, पहिलो हाफमा फ्रेडको आत्मघाती गोलले पछि परेको युनाइटेडले दोस्रो हाफमा मेसन ग्रिनवुडको गोलको सहायताले बराबरी गर्न सफल भयो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
