एजेन्सी : गएराति भएको इंङ्ग्लिस प्रिमियर लिग फुटलबमा म्यान्चेस्टर युनाईटेड, चेल्सी र लिभरपुलले विजयी सुरुवात गरेका छन् ।
ब्रुनो फर्नान्डेजको ह्याट्रिकको मद्दतले म्यान्चेस्टर युनाइटेडले लिड्स युनाइटेडलाई ५–१ को फराकिलो अन्तरले हरायो । म्यान्चेस्टर युनाइटेडको जितमा ब्रुनो फर्नान्डेज बाहेक मेसन ग्रिनउड र फ्रेडले एक एक गोल गरे भने पाउल पोग्बाले चारवटा एसिस्ट गरेर नयाँ सिजनको सुरुवात गरे ।
अर्को खेलमा चेल्सीले क्रिष्टल प्यालेसमाथि ३–० को जित निकाल्यो । चेल्सीका लागि मार्कस अलन्सो, क्रिश्चियन पुलिसिक र ट्रेभो चालोबाहले एक एक गोल गरे ।
लिभरपुलले पनि नयाँ सिजनमा विजयी सुरुवात गरेको छ । गएराति भएको खेलमा लिभरपुलले नर्विच सिटीलाई ३–० ले हरायो । लिभरपुलको जितमा मोहोमद् सालाले दुई तथा डिएगो जोटाले एक गोल गरे ।
प्रिमियर लिगका अन्य खेलहरुमा लेष्टर सिटीले वुल्भरह्याम्पटन वन्डरर्सलाई १–० ले हराउँदा एभर्टनले साउथह्याम्पटनलाई ३–१ ले, वाट्फोर्डले एस्टन भिल्लालाई ३–२ ले तथा ब्राइटनले बर्नलीलाई २–१ ले हराएका छन् ।
इंङ्ग्लिस प्रिमियर लिगमा आज दुई खेल हुनेछ । साविक विजेता म्यान्चेस्टर सिटीले टोटेनह्याम हट्सपरको सामना गर्नेछ भने न्युकासल युनाइटेडले वेष्ट ह्याम युनाईटेडसँग खेल्नेछ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
