एजेन्सी : बार्सिलोनामा १७ वर्ष बिताएका लियोनल मेस्सी फ्रेन्च फुटबल क्लब पेरिस सेन्ट जर्मन "पिएसजी" मा आवद्ध भएका छन् ।
गत शुक्रबार बार्सिलोनाले आर्थिक र संरचनागत अवरोधका कारणले ३४ वर्षीय लियोनल मेस्सी क्लबमा बस्न नसक्ने बताएको थियो। पिएसजीले फ्रि एजेन्ट मेसीलाई ३५ मिलियन युरोमा २ वर्षका लागि भित्राएको अन्तर्राष्ट्रिय समाचार संस्थाले जनाएको छ ।
बार्सिलोनाबाट ब्यवसायिक जीवन शुरू गर्दाको शुरूवाती दुई वर्ष ३० नम्बर जर्सी लगाएर खेलेका मेस्सीले पिएसजीबाट पनि ३० नम्बर जर्सी लगाएर खेल्नेछन्। यसअघि उनलाई नेयमारले आफूले प्रयोग गर्दै आएको १० नम्बरको जर्सी दिने भने पनि उक्त प्रस्तावलाई मेसीले अस्वीकार गर्दै आफैंले ३० नम्बर रोजेको बताइन्छ।
विश्वका स्टार खेलाडी नेयमार र किलियन एम्बाप्पे रहेको पिएसजीमा मेस्सीको आगमनले पिएसजी फुटबल क्लब झनै शक्तिशाली भएको क्लबका अध्यक्ष नासिर अल खलिफाले बताएका छन् । उनको आगमन पछि क्लबले युरोपियन च्याम्पियन्स लिग फुटबल जित्ने लक्ष्य राखेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved