काठमाण्डाै । जापानको टोकियोमा जारी ओलम्पिकअन्तर्गत नेपाली समयाअनुसार आज बिहान भएको दौड प्रतियोगितामा सरस्वती चौधरीले सामान्य प्रदर्शन गरेकी छन्।
चौधरीले महिला १ सय मिटर दौडमा हिट २ मा दौडिँदै निर्धारित दूरी १२.९१ सेकेन्डमा पूरा गरेकी हुन्। आफ्नो हिटमा रहेका ९ जनामध्ये उनले आठौं स्थान लिएकी हुन्। योसँगै उनको सहभागिता हिट चरणमै सीमित भएको छ।
योसँगै टोकियो ओलम्पिकमा नेपालको सम्भावना सकिएको छ। सहभागी ५ खेलाडीमध्ये तीन जनाले राष्ट्रिय कीर्तिमान राखेका छन्।
पौडीमा एलेक्स शाह र गौरिका सिंहले सय मिटर फ्रिस्टाइल तथा सुटिङमा कल्पना परियारले १० मिटर एअर राइफलमा कीर्तिमान कायम गरेका हुन्। जुडोमा सोनिया भट्ट पहिलो चरणमै बाहिरिएकी थिइन्।
प्रतिक्रिया दिनुहोस
Copyright © 2019 / 2024 - Newpati.com - All rights reserved
