१३ औं दक्षिण एसियाली खेलकुद सागमा पदक जितेका खेलाडीहरु सम्मानित

काठमडौं : नेपाल एथ्लेटिक्स संघले १३ औं दक्षिण एसियाली खेलकुद सागमा पदक जितेका आफ्ना खेलाडीलाई सम्मान गरेको छ । काठमाडौंमा सोमबार आयोजित एक कार्यक्रमकाबीच संघले ८ जना खेलाडीलाई सम्मान गरेको हो । १३ औं सागमा नेपालले एथ्लेटिक्सतर्फ ३ स्वर्णसहित ८ पदक जितेको थियो । स्वर्ण जितेका खेलाडीलाई जनही एक लाख रुपैयाँ प्रदान गर्दा रजत पदक जितेका खेलाडीले ३५ हजार नगद पुरस्कार प्राप्त गरे ।

यसैगरी कास्य पदक जितेकाले २० हजार पुरस्कार पाएका छन् । खेलाडीहरुलाई एथलेटिक्स संघका अध्यक्ष राजिब बिक्रम शाह लगायतले पुरस्कृत गर्नुभयो । कार्यक्रममा शाहले एथ्लेटिक्सको क्षेत्रमा निकै समस्या आएको बताउनुभयो । उहाले संघमा पनि राजनीतिक हस्तक्षेप भएको भन्दै केहि गर्न खोज्दा अवरोध गर्न खोजिएको आरोप लगाउनुभयो ।

कार्यक्रममा अजित यादवलाई केन्याको राजधानी नैरोबीमा हुने जुनियर च्याम्प्यिनसिपका लागि विदाई गरिएको छ । त्यसअघि उनले भारतमा हुने एशियन च्याम्प्यिनसिपमा तयारीस्वरुप सहभागिता जनाउने छन् । अजितले जुनियर तर्फ हङकङ म्याराथन जितेका थिए ।