लागुऔषधसहित विराटनगरबाट एक जना पक्राउ
- श्रावण ९, २०७८
- ७४४ पटक पढिएको
- न्यू पाटी
माेरङ । लागुऔषधसहित शुक्रबार विराटनगरबाट एक जना पक्राउ परेका छन् । पक्राउ पर्नेमा मोरङको लेटाङ नगरपालिका–६ का २२ वर्षीय रमेश पाँचकोटी रहेका छन् ।
नेपाल प्रहरीको लागुऔषध नियन्त्रण ब्युरो र सशस्त्र प्रहरीको बिओपी पोस्ट दरैयाबाट खटिएको संयुक्त टोलीले विराटनगर महानगरपालिका–१६ बाट पाँचकोटीलाई नियन्त्रणमा लिएको हो । भारतको जोगवनीबाट लागुऔषध ल्याउँदै गर्दा उनलाई पक्राउ गरिएको सशस्त्र प्रहरीले जनाएको छ ।
सशस्त्रका अनुसार पाँचकोटीको साथबाट लागुऔषध लुपिजेसिक, डाइजेल्याब, एभिल र फेनारगन गरेर १५/१५ एम्पुल बरामद भएको छ । पाँचकोटीलाई आवश्यक कारबाही अघि बढाउनका लागि इलाका प्रहरी कार्यालय रानीको हिरासतमा राखिएको छ ।