कोरोनाबाट प्रभावित उद्योग–व्यवसाय बचाउन राहत प्याकेज ल्याउने देउवाको घोषणा

श्रावण ७, २०७८
५९० पटक पढिएको
न्यू पाटी

काठमाण्डाै । प्रधानमन्त्री शेरबहादुर देउवाले कोरोना भाइरसको महामारीका कारण प्रभावित उद्योग–व्यवसायलाई बचाउन राहत ‘प्याकेज’ ल्याउने घोषणा गरेका छन् । बुधबार नेपाल उद्योग परिसङ्घको १८औँ वार्षिक साधारणसभाको उद्घाटन गर्दै उनले यस्तो बताएका हुन् ।

निजी क्षेत्रका सबै उद्यमी–व्यवसायी र सम्बन्धित क्षेत्रका विज्ञसँगको परामर्शमा महामारी प्रभावित उद्योगधन्दालाई उकास्ने प्याकेज ल्याउने सोचमा आफू रहेको देउवाले बताए । सबै नागरिकका लागि खोप निःशुल्क उपलब्ध गराउनु आफ्नो पहिलो प्राथमिकता भएको उनको भनाइ छ ।

प्रधानमन्त्री देउवाले आर्थिक विकास र लगानी प्रवर्द्धनलाई पनि उच्च प्राथमिकतामा राखेर सरकारले काम गरिरहेको जानकारी गराउँदै भने, ‘विकासलाई हामीले प्राथमिकता दिएका छौँ, तर त्योभन्दा पहिले आम नागरिकको ज्यान जोगाउने विषय महत्वपूर्ण हो । महामारीबाट पार पाउनु चुनौतीपूर्ण छ, हाम्रो पहिलो प्राथमिकता खोपको व्यवस्था नै हो ।’

प्रतिक्रिया दिनुहोस