काठमाण्डाै । कोरोनाको झन् खतरनाक भेरियन्ट फैलनसक्ने अवस्था रहेको चेतावनी विश्व स्वास्थ्य सङ्गठन (डब्लुएचओ)ले दिएको छ । विश्वमा कोरोना महामारी नियन्त्रणमा आउन नसकिरहेका बेला अझै खतरनाक भेरियन्ट फैलनसक्ने डब्लुएचओले जनाएको छ ।
खतरनाक भेरियन्ट विश्वभर फैलिनसक्ने र त्यसले महामारीको अर्को रूप लिने अवस्था रहेकाले नियन्त्रण झन् जटिल बन्ने डब्लुएचओको भनाइ छ । डब्लुएचओको इमरजेन्सी कमिटीले कोरोना महामारी सकिएको नठान्न र उच्च सावधानी अपनाउन सबैमा आग्रह गरेको छ ।
डब्लुएचओका प्रमुख डा. टेडरोज आध्यनोम गेब्रेयेसोसले कोरोनाको महामारी नसकिएको बताए । उनले अझै खतरनाक भेरियन्ट फैलने अवस्था रहेको भन्दै सबै सचेत हुनुपर्नेमा जोड दिएका छन् । उनले कोरोना महामारी नियन्त्रणनजिक पनि पुग्न नसकिएको उल्लेख गरेका छन्।
प्रतिक्रिया दिनुहोस
Copyright © 2019 / 2024 - Newpati.com - All rights reserved
