भारतीय अभिनेता दिलीपकुमारको ९८ वर्षको उमेरमा निधन

भारतीय अभिनेता दिलीप कुमारको ९८ वर्षको उमेरमा निधन भएको छ । लामो समयदेखि बिरामी परेका दिलीप कुमारको बुधबार बिहान मुम्बइको खार हिन्दुजा अस्पतालमा निधन भएको हो ।

श्वासप्रश्वासको समस्या रहेको उनलाई विभिन्न अस्पतालमा राखेर उपचार गरिएको थियो ।

२२ वर्षको उमेरमा ज्वार भाटा नामक पहिलो फिल्म बाट बलिउड प्रवेश गरेका उनले ६० भन्दा बढी फिल्म खेलेका छन् । दिलीपकुमारले मेला, नदिया के पार, बाबुल, फुटपाथ, देवदास, नया दौर, मुगल-ए-आजम, गंगा-जमुना, राम और श्याम, कर्मा जस्ता चर्चित फिल्ममा अभिनय गरेका थिए ।