चतरा । साविक विजेता ब्राजिल कोपा अमेरिका २०२१ को फाइनलमा प्रवेश गरेको छ । आज बिहान भएको पहिलो सेमिफाईनल खेलमा पेरुलाई १-० गोलले हराउदै ब्राजिलले फाईनलमा आफ्नो स्थान पक्का गरेको हो ।
खेलको ३४ औं मिनेटमा नेमारको क्रसमा लुकास प्याकेताले गरेको गोल नै निर्णायक बन्यो ।
नौ पटकको विजेता ब्राजिलले सन् २०१९ को उपाधि भिडन्तमा पेरूलाई पराजित गर्दै उपाधि जितेको थियो। ब्राजिलले २००४ र २००७ मा लगातार उपाधि जितेको थियो। दुवै फाइनलमा ब्राजिलले अर्जेन्टिनालाई हराउँदै उपाधि कब्जा गरेको थियो।
भोलि बिहान हुने दोस्रो सेमिफाईनल खेलमा अर्जेन्टिना र कोलम्बिया भिड्ने छन् । खेल नेपाली समय अनुसार बिहानको ६ः४५ बजे हुने छ ।
फाईनल खेल असार २७ गते आईतबार, बिहान ५ः४५ बजे हुने छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved