क्रोएसिया युइएफए युरो कप २०२० को नकआउट चरणमा प्रवेश गरेको छ । मङ्गलबार समूह चरणको अन्तिम खेल खेलेको क्रोएसिया समूह उपविजेता बन्दै युरो कपको अघिल्लो चरणमा प्रवेश गरेको हो । गए राति ह्याम्पडेन पार्कमा क्रोएसियाले स्कटल्यान्डमाथि ३–१ गोलको जित निकाल्यो ।
क्रोएसियालाई जिताउन निकोला भ्लासिच, लुका मोड्रिच र इभान पेरिसिचले समान एक–एक गोल गरे । स्कटल्यान्डका कलुम म्याकग्रिगोरले एक गोल फर्काए ।खेलको १७औँ मिनेटमा भ्यासिचले गोल गर्दै क्रोएसियालाई सुरुआती अग्रता दिलाएका थिए ।
जितसँगै समूह ‘डी’ को क्रोएसियाले तीन खेलमा चार अङ्क जोडेर अघिल्लो चरणमा स्थान बनायो । स्कटल्यान्ड भने प्रतियोगिताबाट बाहिरियो ।यस समूहबाट इङ्ग्ल्यान्ड समूह विजेता बन्दै अघिल्लो चरणमा स्थान बनाउँदा चेक रिपब्लिक उत्कृष्ट तेस्रो हुँदै नकआउट चरणमा प्रवेश गर्यो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved