एजेन्सी । युइएफए युरो कप २०२० मा स्पेन र पोल्यान्डले बराबरी खेलेको छन् । शनिबार राति भएको खेलमा स्पेन र पोल्यान्डले १–१ गोलको बराबरी खेल्दै अङ्क बाँडेका हुन् ।
स्पेनको सेभिल्लामा स्पेनका लागि अल्भारो मोरटा तथा पोल्यान्डका लागि रोबर्ट लेवान्डोस्कीले एक–एक गोल गरे । सुरुआती अग्रता जोगाउन नसक्दा स्पेन अङ्क बाँड्न बाध्य भएको हो ।
५८औँ मिनेटमा स्पेनले पुनः खेलमा अग्रता बनाउने माैका पाएको थियो । स्पेनले पाएको पेनाल्टीमा जेरार्ड मोरेनो असफल हुँदा घरेलु टिमले त्याे अवसर खेर फाल्यो । र, बाँकी समय गोल नहुँदा खेल १–१ गोलको बराबरीमा सकियो ।
बराबरीसँगै समूह ‘ई’को स्पेनले दुई अङ्क जोडेको छ भने पोल्यान्डले एक अङ्क जोडेको छ । यसअघि स्पेन स्विडेनसँग गोलरहित बराबरीमा रोकिएको थियो भने पोल्यान्ड स्लोभाकियासँग पराजित भएको थियो ।
यस समूहमा स्विेडन चार अङ्कसहित शीर्ष स्थानमा छ भने स्लोभाकिया तीन अङ्कका साथ दोस्रो स्थानमा छ । स्पेन चौथो तथा पोल्यान्ड चौथो स्थानमा छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved